وبعدها قلت افتح النحو شويه اراجعه واشوف الدروس وبعد كام صفحه قمت اتمشيت يعنى ممكن اركز ..شويه وطلعت فوق السطح طبعا حاجه اكيد الهواء والجو كان حلو ومغرى طلعت ومعايا مذكرة القصه والاداب يعنى اراجع على كام حاجه كدا ممكن افتكرهها فى الامتحان وتنفعنى ..رغم انى مش مقتنعه بالمراجعه يوم الامتحان واو ليله الامتحان بكون الواحد مش عاوز يشوف اى حاجه متعلقه بالمادة اللى بذاكرها اكتر من اسبوع ممن حقه 12 يوم عربى ودين بس ..شويه ورحت فتحت الفيس بوك قابت اشوف كدا اى حاجه
وكل اللى كان اونلاين ازاى قعد كدا لازم اذاكر على اساس ان الشويه دول هيغيروا حاجه ..قمت قعدت اراجع النصوص او بمعنى اخر بحاول اصحى و اركز علشان مش انام وافكر نفسى كل شويه دى ثانويه عامله يعنى مستقبلك واكيد مش هتضيعى مستقبلك كدا يلا ركزى ..وبعد قرت كام نص كدا على السريع قمت ونسيت كل كلامى لنفسى عن المستقبل وانه بايدى ولازم اركز ..وقمت اتفسح فى البيت وطبعا اقنعت نفسى نى مش بضيع وقت دا انا بصحى وبحاول مش انام ..شويه ماا صحت وسالتنى الامتحان امته ؟ قلت الساعه 9 ..قلتلى روحى راجعى علشان .....نفس الكلام اللى كنت بقوله لنفسى ياااااه ..
كان نفسى افطر كدا زى البشر بس ازاى مش ممكن طبعا كسلت اقوم اعمل حاجه كفايه اووى ماج النسكافيه الفظيع اللى انا شربته يعنى اكيد علشان اعرف اركز ...وفجاه لقيت الوقت خلص فى ثوانى ازاى مش عارفه يعنى قعدت كلمت نفسى شويه واتفسحت شويتين رخمت على ماما حبه اه اصل رضا الام فى نجاح الامتحان ..قمت لبست وكويت وظبت لبسى وواسال اخويا يلا هتاخرنى ودا طبعا على اساس انى مظبطه كل حاجه وهو هيكون سبب التاخير بصيت فى الشنطه حطيت حاجت كتير كدا ودورت على رقم الجلوس مش لاقيه خالص ادور فى الدرج وعلى المكتب مافيش وبدات عمليه البحث عن المجهول اقصد رقم الجلوس وصحيت اختى وبدات المعانات الاخويه توصل وكل واحد يدور فى كتاب او درج اى حاجه المهم يدور وهو ساكت ولازم طبعا كلمه من كل واحد المهم لقيته فى اجنده يومياتى الغاليه واخدته ومشيت بسرعه وطلعنا على اول الشارع وان انا او اخويا نلاقى تاكسى مافيش خالص مشينا شويه ونبص ورانا كل خمس دقايق على امل وكل دا وانا لسه بقول لنفسى انا متفائله ودا خير واادعى وقول هطلع بسرعه ومافيش مشاكل وطول ما لسه نص ساعه على الامتحا خير كويس والحمد الله بدات تنبت تاكسى فى اخر الشارع وركبنا .. وقلت كويس وحلو هوصل بدرى واتضح ان المشكله اركب تاكسى ولا لا هو اصلا الشارع مقفول عربيات كتير جدا وبرضوا لسه عندى امل وتفاءل وابتسامه على وشى وخير و وقفنا بعيد عن المدرسه والشارع كان غى ناس كتير اووى ناس جاى مع اهلهم كلهم وكان دا امتحان السفاره وامتحانات كليه اداب والشارع زحمه و وصلت اه وصلت دا انا مكنش مصدقه انى وصلت ولسه جايه ادخل لقيت انس اخويا وكانت اول مرة حد يوصلنى امتحان مش عارفه دا كان ليه بس بجد اتبسطت بعد كل مغامرة الوصول الى المدرسه معاه وانا داخله صورنى وكنت مبسوطه ودخلت لدرسه وابدات رحله البحث عن اللجنه والحمد الله لقيتها بسرعه واكيد بالكوسه يعنى وهو انا كنت هعرف مكانى كدا وطلعت وقعدت وبعدها اقبلت البنات واتمشيت شويه وشفت مين معايا فى اللجنه ومين قدامى وكان مكانى مكان ديمقراطى استراتيجى جدا اخر اللجنه فى النص ياااه ملتقى كل حاجه ماقبين وصحاب ومعلومات ودخل استانين كدا وبداوا يسمعوا التعليمات " الكتابه بالازرق فقط وممنوع الرصاص وممنوع الكلام وكل واحده مسئوله على رقتها ومافيش اى حركه دا امتحان ثانويه عامه يعنى مستقبلكم " وزعوا الورق وبدانا نكتب البيانات وكلها الاسم ورقم الجلوس والادارة .... الخ وقالوا اكتر من 6 مرات او 7 عدوا الورق اتاكدوا ان كلوا سليم وانه 12 ورقه ولو فيه ورق ناقص قولوا عشان دى مشكله وبعد ماخدنا وره الاسئله بدات طبعا بالنحو ثم باقى الفروع والحمد الله كان الامتحان حلو ومحتاج تركيز مش اكتر تفاءلت كل حاجه قال المستر هيجى الحمد الله جت بس برضوا انا مش ذاكرت اللى هو قال عليه نوع من عدم المصداقيه يعنى هو بحلم ويقول بس انا ذاكرت كل حاجه والحمد الله حليت وكان حلو جدا وطبعا موضوع التعبير كتبت كتير اكتر من صفحتين او اكتر وكان السؤال الاول فى العبير "نكتب رساله الى رجال الشرطه نحثهم ععلى العوده وحفظ الان والامان " وكتبت فيما لايزيد عن تسعه ولا يقل سته اسطر دا على اساس انى لازم ارغى علشان اقناعهم انهم يرجعوا يلا كتبت واقعدت ارغى على دورهم واهميتهم وكل حاجه زى كدا بس الحمد الله بعد امتحان العربى انا تفاءلت وبما ان العربى كان كله كتابه وتسميع وتركيز مش عرفت انام ولا ثانيه خالص وجت نص ساعه نرتاح قبل الدين وكان الدين حلو وفرصه انى انام براحتى ونمت وبعد كدا قمت مسكت القلم وحلت ومش بطلت اكتب الا لما لقيت الاستاذ قدامى مش عارفه عاوزة الورقه بسرعه ليه يعنى مكنتش انام ...ونزلنا او على مغامرة النزول بما ان انا الدور الخلفى الاخير اذا مش هوصل الى الارض بسرعه والبنات كلهم عاوزين يمشوا وكل واحدة فاكرة ان هى الوحيده اللى عاوزة تمشى ونزلنا على ما الجيش فتح البوابه وخرجنا كان فيها وقت طويل وخرجنا وندمنا ان احنا خرجنا الطريق زحمه جدا والسيارات واقفه مش بتتحرك من مكانها اصلا ويلا مغامرة اخرى ومحاوله للركوب التاكسى يااااه وكل تاكسى اقوله حى الجامعه يبصلى كدا وكانى غلط فيه ...وقلنا نتمشى شويه وبرضوا الطريق زحمه وفيه ولاد كتير وبنات كتير كليه اداب وثانويه عامه وموظفين وجيش كل حاجه وفى الاخر مش ركبنا برضوا و واحد اخ واحده صحبتنا وصلنا وانا قدام البيت بقيت مش مصدقه نفسى انى روحت ...وطبعا حلمى كان برىء خالص انى انام وارتاح بس طبعا ازاى انا اختلف عن البشر ومش نمت وكلنت اخواتى وبعدين حكيت لماما ان الامتحان كان حلو سهل وغقبال باقى الامتحان وكان لازم افتح فيس توتوك بتاعى واقعدت على المدونه اصل مش فتحتها بقالى كتير يلا خير ولسه متفائله من كل حاجه ....:)))))
_________________________________
التدوينه طبعا للاسف كانت بالعاميه ولكنها منقوله من يومياتى وانا اكيد يومياتى بالعاميه اه نعم فيها بعض الكلمات فصحى لانى لم اجد لها ترجمه فى قاموس العاميه ....ولعل ذلك خير
واعتذر عن الكتابه بالعاميه مرة اخرى ولكن اول يوم امتحانات ...
ودعواتكم
ملحوظه : فعلا الصورة كما كنت اليوم كان الخمار لونه بنفسجى :D
Gehad mousa
ليست هناك تعليقات:
إرسال تعليق