فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا

حاجة غريبة لاحظتها في كتير قوي مننا لما تحصل لنا اي حاجة مش على هوانا او زي ما
نحب تبقا اخر الدنيا ونتمنى الموت ونكره نفسنا ونشوف الحياة سودا قوي
ليه مش بنشوف الحاجة من منظور تاني
سيدنا عمر بن الخطاب قال
لا أبالي أصبحت على ما أحب أو على ما أكره ، لأني لا أدري الخير فيما أحب أو فيما أكره
وربنا قال
فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا
يعني اي حاجة بتحصل لنا اكيد وراها حكمة
لو باب اتقفل ورا حاجة بتحبها .. او حد بتحبة ... او حد فارقتة ... او اي باب اتقفل
ربنا بيفتح لك ع طول وراه باب خير تاني زية ويمكن احسن منه ... ويمكن يكون نفعه
اكتر ليك
انما احنا كلنا بنحب قوي نبكي على اللبن المسكوب ونفضل نبص على اللي ضاع منا
ومن كتر ما البكا بيعمينا مش بنشوف الباب اللي ربنا فتحه برحمته وكرمه لينا
لو فارقت صاحب او حبيب متزعلش
لو خسرت شغلانة او اي حاجة متزعلش
اخسر اي حاجة في الدنيا .. واعرف ان خسارتها مكسب ليك .. لان ربنا اللي اختار لك
كده وربنا مش بيختار لنا غير الخير قضاء الله لا يأتي الا بخير
بس اهم حاجة متخسرش نفسك ولا تخسر ايمانك بربنا
بعد كل خسارة صلي ركعتين شكر لربنا انه حماك ونجدك واختار لك
واحمده قوي واشكر فضلة
ووقتها بس هتعرف تشوف الباب اللي اتفتح لك جديد
واكيد ان شاء الله فيه الخير ليك

بقلم ساره مصطفى...مجله حريتنا 

بس حستها ليا اكتر او ممكن علشان بكتب بنفس الطريقه ساعات ...لكن حقيقى صح و حلوة :)